Сайта кӗр | Регистраци | Сайта кӗрсен унпа туллин усӑ курма пулӗ
 -4.7 °C
Ҫилсӗр ҫирӗк тӑрри те хумханмасть.
[ваттисен сӑмахӗ]
 

Хыпарсем: канаш районӗ

Ял пурнӑҫӗ
chgtrk.ru видоевӗнчен илнӗ сӑнӳкерчӗк
chgtrk.ru видоевӗнчен илнӗ сӑнӳкерчӗк

Канаш тӑрӑхӗнчи Матьшӳ ялӗ хӑйӗн 305-мӗш ҫулхине уявланӑ. Асӑннӑ ял Ҫеҫпӗл ялӗ ҫывӑхӗнче вырнаҫнӑ.

Чӑваш Енӗн патшалӑх телерадиокомпанийӗ пӗлтернӗ тӑрӑх, Матьшӳ ялӗнче халӗ 139 ҫын пурӑнать. Пӗр ӗмӗр каялла вара налук тӳлекенсем кӑна 800 ытла ҫын пулнӑ. Ачасемпе пӗрле халӑх шучӗ пинрен те иртнӗ. Ялта 8 кооператив ӗҫленӗ. Ҫил арманӗ, ҫӑкӑр завочӗ, ҫӑм таптармалли цех, чӑпта ҫапакансен лаҫҫи тата ытти артель тавраш ӗҫленӗ.

 

Республикӑра
tclife.ru сайтри сӑн
tclife.ru сайтри сӑн

Республикӑри 10 округ Сосновский пултӑранӗпе кӗрешме хушма укҫа ыйтнӑ. Вӗсен йышӗнче - Улатӑр, Вӑрнар, Йӗпреҫ, Канаш, Куславкка, Комсомольски, Хӗрлӗ Чутай, Етӗрне, Елчӗк, Патӑрьел округӗсем. Вӗсене пӗтӗмпе 4,5 миллион тенкӗ уйӑрса парӗҫ. Ку укҫапа 2,85 тӑваткал ҫухрӑм лаптӑк ҫинчи Сосновский пултӑранне пӗтерме май парӗ.

Палӑртмалла: ҫулталӑк пуҫланнӑранпа ҫак наркӑмӑшлӑ курӑкпа кӗрешме 11,4 миллион тенкӗ уйӑрнӑ.

Хыпар ҫӑлкуҫӗ: https://t.me/government_chuvashii
 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Канаш округӗнчи Шӑхасан ялӗнче пурӑнакан Николайпа Ксения Николаевсем 50 ҫул пӗрле пурӑнаҫҫӗ. Вӗсен юратӑвӗ шкултах пуҫланнӑ, иккӗшӗ те пӗр ялта, Тури Сурӑмра, ҫуралса ӳснӗ. Шкул хыҫҫӑн Николая Казахстана тракториста вӗренме янӑ. Икӗ тус пӗр-пӗрин патне ҫыру ҫӳретнӗ. Ҫӗнӗ ҫулта каччӑ хӗре юратнине пӗлтернӗ.

Николай Николаевичпа Ксения Степановна 3 ача ҫуратса ӳстернӗ. Упӑшки водительте ӗҫленӗ, арӑмӗ вырӑнти пульницӑра медсестра пулнӑ.

Николаевсем халӗ те ахаль лармаҫҫӗ: кил хуҫалӑхне тытса пыраҫҫӗ, ялти культура ҫуртне ҫӳреҫҫӗ. Николай Николаевич купӑс калать, Ксения Степановна алӑ ӗҫӗпе аппаланма юратать.

Хыпар ҫӑлкуҫӗ: https://vk.com/wall-142632677_93688
 

Персона
"Контактри" сӑн
"Контактри" сӑн

Канаш округӗнчи Шаккӑл ялӗнче пурӑнакан Мария Рытова 101-мӗш ҫуралнӑ кунне паллӑ тунӑ.

Мария Петровна ҫак ялтах ҫуралса ӳснӗ. Ҫамрӑклӑхӗ вӑрҫӑпа пӗр килнӗ. Вӑл окоп та чавнӑ, вӑрман та каснӑ, Хусанти чукун ҫула тунӑ ҫӗрте те ӗҫленӗ. Ҫав вӑхӑтсем манӑҫман, алли-ури те ӑна пулах сураҫҫӗ.

1945 ҫулта тин фронтран таврӑннӑ Иван Рытов хӗре асӑрханӑ. Кӗҫех ҫӗнӗ ҫемье чӑмӑртаннӑ. Вӗсем 6 ача ҫуратса ӳстернӗ. Халӗ Мария Петровна 11 мӑнукӗпе, кӗҫӗн мӑнукӗсемпе савӑнса пурӑнать.

 

Чӑвашлӑх
"Контактри" сӑн
"Контактри" сӑн

Етӗрне округӗнче ХIХ ӗмӗрти чӑваш хресченӗн хуҫалӑхӗн музейӗнче «Манӑҫми аваллӑх» фольклор уявӗ иртнӗ.

Ӑна питӗ пуян та интереслӗ йӗркеленӗ: тематика конкурсӗсем, чӑваш ҫамрӑкӗсен вӑййисем пулнӑ. Вӑрнар, Канаш, Шупашкар, Елчӗк округӗсенчи пултаралӑх ушкӑнӗсем юрӑ-ташӑпа савӑнтарнӑ. «Выйкӑт» ҫемье фольклор ансамблӗ кӗсле калас, вӗтӗ шӑрҫапа тӗрлес енӗпе ӑсталӑх класӗ ирттернӗ.

Хыпар ҫӑлкуҫӗ: https://vk.com/wall-191629825_68905
 

Республикӑра
"Контактри" сӑн
"Контактри" сӑн

Республикӑри ҫӑлавҫӑсем хӑйсен тахҫанхи ырӑ пуҫарӑвне ҫӗнӗрен пурнӑҫлама тытӑннӑ: агитбригадӑсем концертпа тухнӑ.

Пӗрремӗш концерт Канаш округӗнче иртнӗ. Пушар хуралӗн ветеранӗсем, «Пламя» ансамбле ҫӳрекенсем, юрланӑ, сӑвӑсем каланӑ. Ҫапла вӗсем ял ҫыннисене пушар хӑрушсӑрлӑхӗ пирки аса илтернӗ.

Унтан агибригада Инкеклӗ лару-тӑру министерствин ӗҫченӗсемпе пӗрле килсерен ҫӳресе республикӑра пушар хӑрушсӑрлӑхӗн уйрӑм режимӗ вӑйра пулни пирки аса илтернӗ.

Хыпар ҫӑлкуҫӗ: https://vk.com/wall-143818234_387433
 

Чӑваш чӗлхи
Чӑваш кӗнеке издательствин халӑх тетелӗнчи страницинчен илнӗ скриншот
Чӑваш кӗнеке издательствин халӑх тетелӗнчи страницинчен илнӗ скриншот

Чӑваш кӗнеке издательствинче Светлана Асаматӑн «Акатуй сӑввисем» кӗнеки пичетленсе тухнӑ. Кӗнеке издательствинче пӗлтернӗ тӑрӑх, ӑна вӑтам классенче вӗренекенсем валли кӑларнӑ. Ӳнерҫисем – Мария Ермолаевӑпа Екатерина Васильева.

Светлана Асамат 1952 ҫулхи ҫӗртме уйӑхӗн 24-мӗшӗнче Канаш районӗнчи Кайри Ӑнтавӑш ялӗнче ҫуралнӑ. Канашри педагогика училищинчен, Шупашкарти Ф. Павлов ячӗллӗ музыка училищинчен, И.Н. Ульянов ячӗллӗ Чӑваш патшалӑх университетӗнчен вӗренсе тухнӑ. Тӗрлӗ шкулта ачасене музыка вӗрентнӗ. Чӑваш радиопа телевиденийӗнче, Чӑваш наци музейӗнче вӑй хунӑ. Халӗ Чӑваш наци радиовӗнче ӗҫлет. Раҫҫей Федерацийӗн Писательсен тата Журналистсен союзӗсен, Чӑваш композиторӗсен ассоциацийӗн пайташӗ.

 

Пӑтӑрмахсем
mirbelogorya.ru сайтри сӑн
mirbelogorya.ru сайтри сӑн

Шӑрӑх ҫанталӑкра нумайӑшӗ шыв хӗрринче канать, шыва кӗрет. Шел те, инкек ҫине-ҫинех пулать. Ӗнер кӑна Ҫӗмӗрлере ватӑ арҫын путса вилни пирки пӗлтернӗччӗ.

Утӑ уйӑхӗн 3-мӗшӗнче Канаш муниципаллӑ округӗнчи Асхва ялӗнче инкек пулнӑ. Ун ҫывӑхӗнчи пӗвере хӗрарӑм путса вилнӗ. Вӑл 39 ҫулта пулнӑ.

Ҫӑлавҫӑсем асӑрхануллӑ пулма ыйтаҫҫӗ. «Ушкӑнпа каннӑ чухне пӗр-пӗрне асӑрхӑр. Ӳсӗр чухне шыва кӗме, инҫете ишме ан хӑтланӑр», - теҫҫӗ вӗсем.

Хыпар ҫӑлкуҫӗ: https://t.me/pss_202/33
 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Ҫӗртме уйӑхӗн 22-мӗшӗнче Канаш округӗнчи Вырӑскас Пикших ялӗнчи пушарта 37 ҫулти арҫын вилнӗ. Унта йывӑҫ ҫурт каҫхи 5 сехетре ҫунма тытӑннӑ. Пушара сӳнтерсен 1987 ҫулта ҫуралнӑ арҫын виллине тупнӑ. Ҫулӑм мӗнрен тухни хальлӗхе паллӑ мар.

Палӑртмалла: ҫулталӑк пуҫланнӑранпа республикӑра 686 пушар тухнӑ. Ҫав пушарсенче 34 ҫын вилнӗ, 37 ҫын суранланнӑ. Ҫулӑмран 93 ҫынна ҫӑлма май килсен.

Хыпар ҫӑлкуҫӗ: https://t.me/mchs_chuvashia/6304
 

Персона
Чӑваш Енри профессионал писательсен ушкӑнӗнчи сӑнӳкерчӗк
Чӑваш Енри профессионал писательсен ушкӑнӗнчи сӑнӳкерчӗк

Хӗрӳ чунлӑ Ҫеҫпӗл Мишши ҫак тӗнчерен уйрӑлса кайнӑ кун, ҫӗртме уйӑхӗн 15-мӗшӗнче, Шупашкарти унӑн палӑкӗ умӗнче савӑнӑҫлӑ лару-тӑрура пуху иртӗ. Ӑна вилӗмсӗр Ҫеҫпӗлӗмӗре асра тытса йӗркелӗҫ.

Мероприяти 9 сехетре пуҫланӗ.

Аса илтерер: Канаш районӗнчи (халӗ — муниципаллӑ округ) Касаккасси Шӗкӗр (халӗ Ҫеҫпӗл) ялӗнче ҫуралнӑ чӑваш поэчӗ 1922 ҫулхи ҫӗртме уйӑхӗн 15-мӗшӗнче Украинӑри Старогородка салинче вилнӗ.

 

Страницӑсем: 1, 2, [3], 4, 5, 6, 7, 8, 9, 10, 11, 12, 13, ... 90
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (23.02.2025 15:00) уяр ҫанталӑк, атмосфера пусӑмӗ 762 - 764 мм, -4 - -6 градус сивӗ пулӗ, ҫил 4-6 м/ҫ хӑвӑртлӑхпа ҫурҫӗр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Эрне пуҫламӑшӗнче кӑмӑл-туйӑм сирпӗнес пек, вӑл сирӗн кӑмӑла витӗм кӳрӗ. Эрне варринче ӗҫри ҫитменлӗхсене пӗтерме, витӗмлӗ ҫынсен пулӑшӑвне туйма май пулӗ. Эрне вӗҫӗ кӗтмен хыпарсемпе, ууҫапа е ӗҫпе ҫыхӑннисем, савӑнтарӗҫ. Харпӑр пурнӑҫра хирӗҫесрен пӑрӑнӑр – пӗчӗк ӑнланманлӑх та вырнаҫтарма пултарать.

Нарӑс, 23

1941
84
Захаров Виталий Николаевич, ҫыравҫӑ, тӑлмач ҫуралнӑ.
1976
49
Максимов Исайя Максимович, чӑваш математикӗ ҫут тӗнчерен уйрӑлса кайнӑ.
2006
19
Пудовик Аркадий Николаевич, хими ӑслӑлӑхӗсен докторӗ, профессор вилнӗ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
хуҫа арӑмӗ
хуҫин ҫитӗннӗ ачисем
пӗтӗм кил-йышпа тухаҫҫӗ
кил-йышри арҫын
хуҫа хӑй
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
хӑнана ӑсатма никам та тухмасть
хуҫа тарҫи